Vör og Norn
Íslensk mállíkön, þjálfuð á eigin vél og lánaðri DGX Spark
Norn beygir íslensku rétt og Vör finnur persónuupplýsingar í íslenskum skjölum. Bæði líkönin eru opin á Hugging Face.
Norn er röð íslenskra mállíkana sem ég þjálfa á Hercules, minni eigin vél, og á DGX Spark sem ég fékk lánaða til prófunar. Fjórða útgáfan byggir á Gemma 4 með 31 milljarði stika og nær 85,6% á 480 nafnorðsbeygingarmyndum úr Beygingarlýsingu íslensks nútímamáls, samkvæmt lýsingu óskammtaða líkansins. Grunnlíkanið nær 70%.
Vör er sérhæfð systir hennar. Hún les íslensk skjöl og merkir greind persónuupplýsingasnið samkvæmt lögum nr. 90/2018 um persónuvernd, hvort sem það er nafn, kennitala, heilsufar eða sakaskrá. Á 317 gerviprófskjölum fann hún 1.428 af 1.447 aðgreindum, stöðluðum textabútum í gullstaðlinum (98,7% heimtur). Þessi textasamsvörun krefst ekki rétts flokks og er ekki heildarnákvæmni. Prófskjölin eru gerviskjöl og raunskjöl eru næsta próf.
Bæði líkönin eru opin á Hugging Face: Vör og Norn v4. Nánar í blogginu.
Tæknistaflinn
Tengd verkefni
Sjá öll verkefni →
BORG
Samþættur gervigreindarvettvangur Háskólans á Akureyri. Sameinar ytri gervigreindarþjónustur og vinnslu á staðnum, með möguleika á vinnslu á háskólanetinu.
Smarason.is
Persónuvefur fluttur heim: Next.js 16 + Payload á eigin Hetzner-jaðarvél með Caddy, engin skýjaefnisveita, engin eigin vefgreining. Arkitektúrinn er hugmyndafræðin — fullveldi yfir eigin gögnum.
Þekkingarnet stofnunar
Litlar stofnanir ganga fyrir ósýnilegri byggingu — stjórnskipulagi, kerfum, stefnum og innbyrðis háðum sem búa fyrst og fremst í höfðum fólks. Hér er aðferðin til að gera þá byggingu spyrjanlega: Neo4j, JSON-LD, SHACL og leiðsla sem alltaf er óhætt að keyra aftur.